|
雨勢漸大, 我開始覺得頭暈
然而袋裡的手機卻不斷唱起歌來
「喂......」
「呀希呀,你係邊呀? 我打去你屋企,你屋企人話你未返喎」呀風打黎的,點解唔係呀謙?
「我......」
「你係邊呀? 我依加黎搵你呀」明顯聽到呀風急速的喘氣聲, 呀風......搵左我好耐啦?
「我...... 我......」頭好暈好暈,眼前既野有雙重架, 「呀, 呀風, 我, 我......」
「呀希,你,你做乜呀?」呀風心急咁問
「我,頭...... 我係......學,學校......近......」「啪!」隨即我就暈左
呀風應該理解到我係學校附近,「呀希, 呀希,你乜事呀?出下聲啦呀希,喂喂喂......」
而呀謙見我暈低左,拋低幾張大鈔,衝左黎我度 (呀謙都一路跟到12點)
「呀希呀希!你冇事呀麻,你咁傻做乜呀,六點過左你就返返去啦,你做乜仲搵我呀?」呀謙攬實我
彷彿驚我會飛走咁......
「呀...... 呀謙, 我, 我......」
「呀希,乖, 唔出講野住, 我帶你返屋企先,你病左啦」呀謙嘗試抱我入的士
「呀謙呀...... 我唔...... 唔返呀......」我斷斷續續咁講
「唔得呀,你病左呀,你呀爸呀媽好擔心你呀」呀謙講
我用盡我所有力搖頭,「呀謙, 我...... 唔要,要同你......分......開......」
「你乖啦,一係我帶你去睇醫生先啦!」呀謙講, 我都再冇異議
於是呀謙就抱我入的士去診所,但遺忙左我既手機......
我同呀謙走左之後, 呀風就岩岩黎到
呀風只見我手機係地下,但又唔見左人,又擔心我......
「呀希! 呀希!你. 係. 邊. 呀」呀風企係原地大叫
「醫生,個個病人點呀?」呀謙急不及待咁問
「病人成日冇食過野,再加上淋左好耐雨,著涼,發緊高燒,俾左退燒藥佢食啦」
「唔該醫生」呀謙講完就衝左入黎間房
「死人頭呀謙,至衰係你啦,咁遲先出黎,搞到我淋左咁耐雨,發燒啦」呀謙一入黎
我就有心無力地講
「好好,以後你一要我出現我就即刻出黎」呀謙楚左係我面前
「唔得, 我要你時時刻刻都係我隔離」我任性咁講
呀謙並冇出聲,輕撫著我的頭「法」,含情脈脈咁望住我,大家沉默左好耐
「呀謙...... 我唔要返返屋企呀, 我要同你一齊......」我講
「呀希,你難得先同你父母和好, 唔好咁任性啦」呀謙溫柔咁講
「但係佢唔俾我地一齊,要我地分開呀」我捉住呀謙隻手
但呀謙並冇講野......
「呀謙呀」我眼濕濕咁望住呀謙
「乖」呀謙又摸我個頭
「你父母都唔俾我地訂婚, 我地唔好訂啦, 你唔介意,我地偷偷一齊啦好冇?」
「我唔介意呀, 我不嬲都唔介意架,一齊就得啦」我努力擠出一個笑臉
呀謙輕輕係我額頭錫左一下
我真心笑了笑,裡面包含住甜蜜......
「次次都係我衰心軟, 唔忍心, 唔捨得見到你喊,你一喊我就投降啦」呀謙細細聲咁講
「下?你岩岩講乜呀?咁細聲聽唔到呀?」我恢復平時既光彩
「冇呀,聽唔到,算啦」呀謙奸奸地笑了笑
「瘀!衰人!」我輕輕打左呀謙兩下
「喂!你病緊架!亂郁,你想死呀?」呀謙對我o孔了兩o孔
空氣中,彌漫著消毒藥水的氣味,忽然甜蜜起來......待續
|
加入我的最愛 | 
設定為首頁 | 
圖片上載
論壇音樂模式 
非音樂模式 
